BYD автокөлік брендінің ресми дилерлік орталығы Ақтөбе қаласында салтанатты түрде ашылды. Іс-шара 26 қыркүйек күні Санкибай Батыра көшесі, 171Г мекенжайында өтті.
Ашылу рәсімі мерекелік форматта ұйымдастырылып, қонақтарға ерекше көңіл-күй сыйлады. Кештің жүргізушілері Дмитрий Шиш пен Рамис болды. Бағдарлама аясында түрлі конкурстар, шоу-бағдарламалар, интерактивті белсенділіктер өткізіліп, жанды музыка орындаған лайв бенд өнер көрсетті.
Сонымен қатар, іс-шара барысында BYD брендінің жаңа автокөлік модельдерінің ресми таныстырылымы өтті. Қонақтар заманауи технологиялармен жабдықталған көліктерді жақыннан көріп, олардың мүмкіндіктерімен танысты.
Бұл шара қала тұрғындары мен қонақтары үшін маңызды оқиғаға айналып, өңірдегі автонарықтың дамуына жаңа серпін берді.